«الكبدة الأمريكانى » .. السرطان فى «ساندوتش » مصر تستورد ١٧٠ ألف طن سنويًا.. وخبراء يؤكدون: بقايا حيوانات

محدش ياكل كبدة حتي لو بيتقال عليها كبدة بلدى

فى الاول احنا عندنا نوعين من الدول :

1- دول ممنوع فيها حقن الحيوانات اللي بتتاكل لحومها هرمونات ودي مش مصر طبعا هههه دي دول الاتحاد الاوروبي زي فرنسا مثلا ..

والغريب ان الدول دي ممنوع فيها استيراد اللحوم او الكبدة المجمدة .. وحنعرف ليه كمان شوية ..

واكيد مصر مش حتستورد لحوم من الدول دي"ده اذا كانت الدول دي بتصدرها اصلا" لان سعرها حيكون مرتفع جدا .

2- دول مصدرة للحوم زي " امريكا والبرازيل واستراليا وكوريا الجنوبية واليابان والهند ونيوزيلندا " ..

وعشان الدول دي تصدر لحوم يبقي لازم السبوبة تكون حلوة ويكسبوا كويس .. 

وعشان يكسبوا كويس يبقي لازم يعملوا عملية تسمين للمواشي ويخلوها تربي لحم .. وعشان ده يحصل في وقت قصير يبقي لازم يدوها هرمونات .. 

وبعد ما تتسمن كويس جزء منها بيتصدر حي والجزء التاني " بيتقتل " عن طريق الصعق الكهربائي وبعدين بتتجمد وبيتم تصديرها ..

▪طب ليه قتل وصعق و مش بتتذبح .. وايه فايدة الذبح اساسا ..؟؟

قالك احنا عندنا نوعين من الدم ..

الدم المؤكسج وده محمل بالاكسجين والمغذيات 

والدم غير المؤكسج وده محمل بثاني اكسيد الكربون والنفايات يعني دم فاسد بالبلدي كده ..

▪لما بيتم الذبح بتحدث للحيوان انقباضات عضلية وتشنجات .. الانقباضات دي بتضغط علي الشعيرات الدموية بجسم الحيوان .. 

فبيتم خروج الدم من الجرح الذبحي وبيتم تصفية الحيوان من الدم بما فيه الدم الغير المؤكسج " الفاسد " .. 

وعشان كده الصح ان الحيوان يتعلق من رجليه بعد الذبح عشان الدم كله يخرج من رقبته وبدون فصل الرأس عن الجسم تماماتماما..

طب انا لو قدرت احبس اغلب الدم ده وميخرجش من الحيوان وزنه حيفضل تقيل .. يعني وزنه يكون اكتر .. 

يعني مكسب اكتر .. 

وتعرف هذه العملية بحبس الدم او الاحتقان بالدماء .. وعشان كده بيتم القتل بالصعق ..

يعني طريقة الذبح الحلال علي الشريعة الاسلامية علمية وصحية مش مجرد روتين ديني والسلام .

▪نيجي للكبدة ..

1- طبقا لمبدأ العرض والطلب الكبدة المفروض تكون اغلي من اللحمة .. لان كميتها قليلة جدا بالنسبة للحمة كنسبة وتناسب يعني .. 

ولأن الكبدة بيعتبروها "عالميا" غير صالحة للاستهلاك الادمي ..

بمعني انها عند الشعوب الاخري الغير اسلامية اللي بتدبح الحيوانات عندها بطرق غيرطريقة الشريعة الاسلامية "الكلام واضح ومحدد" عندهم الكبدة غير صالحة للاستهلاك الادمي ..

* طب ليه ..؟؟

لانهم بيعتبروها مركز لتكسير السموم في الجسم + محتبس بها الدم الغير مؤكسج فيها بسبب طريقة الذبح الغير اسلامية ..

* يعني المفروض انها حرفيا بتتعامل عندهم معاملة النفايات وبيتم التخلص منها ..

* لهذا السبب روسيا منعت استيراد الكبدة منذ عام 2013 .

2- حتي الدول اللي بتستورد لحمة مش بتستورد الكبدة معاها لانها بالنسبة لهم نفايات زي ما وضحنا + انها بتكون محملة بالدم الفاسد الغير مؤكسج ..

وده اللي بيفسر استمرار نزول الدم منها مهما تم غسلها عدة مرات .. وساعتها بتكون "في الغالب" دي علامة من علامات عدم الذبح طبقا للشريعة الاسلامية .

3- اذن كبدة مستوردة = دم فاسد + مواد هرمونية ، 

كبدة بلدي = مواد هرمونية " .. الا لو تم التأكد من مصدرها وعدم حقن الحيوان بالهرمونات" تربيه بيتي مثلا .

4- اللحوم اللي بتستوردها " الصين واريتريا وكينيا " لا يتم استيراد الكبدة معها لان الدول دي بتكون عاوزة لحوم غير حلال .. وبالتالي مش عاوزين الكبدة السامة معاها ..

او ممكن يستوردوا الحيوانات حية ويقتلوها وبرضو مبياكلوش الكبدة بتاعتها .

5- ولان الكبدة دي بتبقي نفايات وعبء علي الدول دي وبتحتاج مصاريف عشان تتخلص منها .. هنا بقي بيظهر ابطالنا الحلوين "المافيا بتوعنا" رجال الاعمال والمستوردين التقال وبيستغلوا الفرصة .. وبيلموا الكبدة من جميع انحاء العالم .. الكبدة المحملة بالدم الفاسد والهرمونات .. ويجيبوها البلد بسعر جميل للناس الغلابة اللي صعبانين عليهم .

6- هنا بقي مفروض الدولة تتدخل .. ايه اللي انتوا بتعملوه ده يا مستوردين ..!! .. انا حصادر وسيتم اعدام الكبدة دي ومش حتدخل البلد ..

▪ يردوا رجال الاعمال اللي مفيش عندهم ضمير علي الدولة ويقولولها يا دولة احنا بنستورد 175000 طن كبدة سنويا... 

وبنأكل بيهم الناس الغلابة اللي انتي يا دوله مش عارفة تأكليهم ..!! 

* اعدميهم يا دولة وأكلي انتي الناس الغلابة بتوعك .. وحقك علينا يا دولة احنا الحق علينا..

وبتكون النتيجة ان الموضوع بيعدي بالتراضي مع شوية رشاوي حلوين طبعا لان السبوع كبيره اوي .. 

ومافيا المستوردين ينجحوا في انهم يدخلوا الكبدة البلد ويكسبوا مليارات من وراها لانهم تقريبا جايبينها ببلاش .

7- وتنزل الكبدة للجزارين الكبار فالاصغر فالاصغر فالاصغر وصولا الي عربيات الكبدة بتاعة الناس الغلابة اللي بيبيعوا السندوتش ب2 او 3 جنيه ..

والجزارين الكبار يبيعوها علي انها بلدي وهي مستوردة ومجمدة .. 

▪والشعب المصري يعاني من الامراض المستعصية بسبب الكبدة ..

بلاش تاكلوا كبدة الا لو خارجة من الحيوان قدام عنيكم يعني طازة وايضا اذا كنتم متأكدين من مصدرها غير كده لأ .. 

لان ممكن تكون طازة بس الحيوان واخد هرمونات واللي بتتراكم في الكبد ساعتها بلاش تاكلوها .. وربنا يحفظكم جميعا .. 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.